स्थापना
आजको युग विज्ञान र प्रविधिको युग हो । विज्ञान र प्रविधिको विकास विना मुलुकको उत्पादन तथा आर्थिक क्षेत्रहरुको उत्पादकत्व बृद्धि गर्न सकिंदैन । नेपालमा यस क्षेत्रको विकास एवं विस्तारका लागि विगत तीन/चार दशकदेखि संस्थागत, नीतिगत एवं कार्यगत प्रयासहरु हुंदै आएका छन् । सन् १९७६ मा राष्ट्रिय विज्ञान तथा प्रविधि परिषद, सन् १९८२ मा तत्कालीन नेपाल राजकीय विज्ञान तथा प्रविधि प्रज्ञा प्रतिष्ठान   हाल नेपाल विज्ञान तथा प्रविधि प्रज्ञा प्रतिष्ठान र विज्ञान तथा प्रविधिको उचित विकासका लागि अनुकूल वातावरण सृजना गरी देश विकासको कार्यमा विज्ञान तथा प्रविधि सम्वन्धी कार्य गर्न सवै निकायहरुबीच समन्वय ल्याउन र तत्सम्वन्धी कृयाकलाप प्रभावकारी रुपमा अगाडि बढाउन वि.सं.२०५३ साल जेष्ठ २ गते विज्ञान तथा प्रविधि मन्त्रालयको स्थापना भएको हो । मिति २०६१ साल चैत्र १८ गते जनसंख्या तथा वातावरण मन्त्रालय खारेज भई सो मन्त्रालयको वातावरण महाशखायस मन्त्रालयमा गाभिन गई यस मन्त्रालयको नाम "वातावरण, विज्ञान तथा प्रविधि मन्त्रालय" रहन गएको थियो । हालसालै पुन वातावरण, विज्ञान तथा प्रविधि मन्त्रालय विभाजन भइ विज्ञान तथा प्रविधि मन्त्रालय पुन वेग्लै मंत्रालयको रुपमा स्थापना भएको छ ।